कर्नल अनिल गोगटे (नि.)यांच्या Viva Life Skills – Trainers & Consultants या you tube channel साठी थेट युद्धाच्या कथा अर्थात् field वरचे अनुभव कथन करण्याचा योग आला. आर्मीमध्ये दीर्घकाळ सेवा दिल्यानंतर सरांनी आतापर्यंत अनेक युद्धकथा प्रत्यक्ष सेना अधिकार्‍यांकडून वदवून घेतल्या आहेत. त्या संपूर्ण भारतातल्या प्रेक्षकांसाठी प्रेरणादायी आहेत. मीही त्यातल्या काही ऐकल्या आणि आपण या परंपरेचा भाग आहोत याचा गर्व वाटला! खरंतर कधी गोपनीयता म्हणून तर कधी संकोच म्हणून माझ्याकडून फारसं “थेट” field वरचं सांगितलं गेलं नसावं. मात्र सरांच्या या आगळ्या वेगळ्या कार्यक्रमामुळे हे कथन करण्याचा योग आला. आजच्या तुलनेनं तशा अगदी मोजक्याच महिला अधिकारी सीमालगतच्या भागात असण्याचा हा २००७ -२००८ चा काळ होता. माझ्यासारख्या कमी अनुभव असलेल्या junior officer लाही सरांनी मोकळेपणानं बोलतं केलं. you tube वर हा video पाहून अनेकांनी खूप सकारात्मक प्रतिक्रिया मला कळवल्या आणि इथे share करण्याविषयी आग्रह केला. म्हणून याची link इथे comments मध्ये देत आहे. या channel वरचे इतर videos ही आवर्जून बघावेत. सैन्याचा एक अधिकारी गणवेशात आणि त्या बाहेरही कायमच सजग असतो आणि समाजाला ऊर्जा देण्याचं काम निरंतर करत रहातो हे माझ्यासाठी अनुकरणीय आहे!
विविध कार्यक्रम आणि लेखन- प्रकल्पांच्या निमित्तानं महाराष्ट्र आणि इतर राज्यांमधल्याही चांगलं काम करणार्‍या लोकांशी परिचय वाढत आहे याचा मला नितांत आनंद आहे. परमेश्वरानं सत्संगतीच्या बाबतीत कायमच माझ्यावर वरद हस्त ठेवलेला आहे. त्यामुळे विना सायास मी आयुष्याच्या सगळ्याच टप्प्यांवर प्रचंड समृद्ध होत गेले. आताचाही टप्पा त्याला अपवाद नाही! फक्त वेळेअभावी सगळं इथे share केलं जात नाही एवढंच. कर्नल अनिल गोगटे या वयानं, अनुभवानं ज्येष्ठ आणि प्रसन्न व्यक्तिमत्त्वाची ओळख तसंच off camera त्यांच्याशी झालेल्या मनमोकळ्या गप्पा खूपच समाधान देऊन गेल्या! मी नव्यानं officer होऊन तैनात झाल्यावरच्या गंमती जंमतींवरही आम्ही हसलो! Anil Laxman Gogate कर्नल गोगटे सरांना मन:पूर्वक शुभेच्छा! Thank you Col Anand Bapat Retd कर्नल बापट सर. तुम्ही मला Viva Life Skills शी जोडलंत. त्या निमित्तानं तुमचंही अत्यंत प्रभावी असं कथन मला ऐकायला मिळालं. प्रेरक अशी मोठीच अनुभवांची शिदोरी तरुण पिढीसाठी तुम्ही उघडत आहात ही अनुकरणीय गोष्ट आहे!तुम्हाला खूप खूप शुभेच्छा!
स्वत:वर विश्वास ठेऊन चालत रहा असं सांगणारा...गणवेशातल्या आठवणींनी भरलेला आणि भारलेला हा कप्पा आजही मला चांगलं काम करण्यासाठी तसंच भरभरून आयुष्य जगण्यासाठी सतत ऊर्जा देत राहो!

- मेजर मोहिनी गर्गे-कुलकर्णी (नि.) 

Comments

Post a Comment

Popular posts from this blog

जय हिंद सर - श्रद्धांजली...!

Image
अकॅडेमीमधलं ट्रेनिंग संपवून आम्ही पुढच्या तयारीत गुंतलो होतो. दीक्षांत समारोह अर्थात्  पासिंग आऊट  परेड दोन दिवसांवर येऊन ठेपली होती. त्यासाठी विशेष निमंत्रित असणारे आम्हा सर्वांचे पालक अकॅडेमीमध्ये दाखल होत होते. एकीकडे सांस्कृतिक कार्यक्रमांचा सराव, दुसरीकडे विविध गणवेश आणि बुटांची तयारी, त्यात आईबाबा आल्यावर त्यांना हे दाखवू की ते दाखवू याकडे ओढ घेणारं मन...अशी प्रचंड गडबड सुरू होती. तेवढ्यात घामाघुम होऊन एक कोर्समेट पळत आली आणि मला म्हणाली, “कुछ कांड किया क्या गार्गी तूने?  सिद्धा अॅडजुटंटसे बुलावा आया है!जा भाग जल्दी|”   अॅडजुटंट म्हणजे ‘दंडपाल’, जो संपूर्ण अकॅडेमीचं प्रशासन बघतो! आजवर एकाच कारणासाठी तिथून बोलावणं येत असे, ते म्हणजे ‘पनिश्मेन्ट’! आधी अनेकदा माझी वर्णी लागली होती तिथे पण आता अगदी दोनच दिवस राहिले असताना सुद्धा शिक्षा.. म्हणजे अतीच झालं असा विचार करत मी तडक त्यांचं ऑफिस गाठलं. सल्युट करून उभी राहिले.  त्यांनी ‘विश्राम’ आज्ञा देत बोलायला सुरुवात केली. “परवाच्या पासिंग आऊट परेडसाठी प्रमुख पाहुणे म्हणून आपल्याला लाभले आहेत लेफ्टनंट जनरल श्र...
Read more

निरामयआरोग्यवर्धिनी जीवनशैली आणि बरंच काही

Every next level of life will demand a different version you ....याचा अनेकदा प्रत्यय येतो. जीवन म्हणजे एकाच मार्गाने पुढे जाणारं चाकोरीबद्ध यंत्र नसून, अनेक गोष्टींना कवेत घेत, सहस्त्रधारांनी पुढे जाणारा तो चैतन्यदायी, खळाळता   प्रवाह आहे! हे अनुभवण्यासाठी आपण निराशेची कात टाकत, प्रत्येक टप्प्यावर   नित्यनूतन होऊन त्याला सामोरं गेलं तर जगण्यातली   मजा वाढते! आपल्या आयुष्याचा आलेख समजून घेत,त्यात नव्याने झालेल्या बदलांची नोंद घेत, त्या त्या आव्हानांसाठी मोकळेपणाने स्वतःची तयारी करत पुढे गेलो तर आयुष्य बरंच सोपं,सहज आणि सुंदर होत जातं असा माझा अनुभव आहे. मग तो मातृत्त्वाचा टप्पा असो वा शरीराच्या दुखापती जिद्दीने भरून काढण्याचा, डोळसपणे त्यांच्याकडे बघण्याचा प्रयत्न खूपकाही देऊन गेला, मुख्य म्हणजे आत्मविश्वास! आज इतर विषय सोडून अचानक हे तत्त्वज्ञान आठवण्याचं किंवा स्वतःविषयी काही सांगण्याचं कारण म्हणजे ‘निरामय आरोग्यवर्धिनी’ जीवनशैलीचा नुकताच झालेला परीसस्पर्श! ‘ Age is just a number ’ असं कितीही म्हंटलं, तरी त्या त्या वयाच्या टप्प्यावर शरीर त्याच्याकडे लक्षं द्यायला आपल...
Read more